Жойларда учраётган ижтимоий муаммоларни ҳал этишда электорат талабини аниқлаш, аҳолининг ижтимоий муҳофазасини таьминлаш ҳамиша муҳим вазифа бўлиб қолаверади. Бозор иқтисодиёти шароитида электоратнинг ижтимоий манфаатларини чуқур ўрганиб чиқиш ва таҳлил қилиш давр талабидир.

Жумладан, кам таьминланганларга, кексалар ва болаларга саҳоват ҳамда меҳр-мурувват кўрсатиш каби халқимизнинг азалий қадриятларини ҳимоя қилиб ҳамда ҳозирги кунда ижтимоий соҳада амалга оширилаётган кенг кўламли сиёсатни қўллаб қувватлаш бу соҳадаги асосий вазифалар сифатида белгиланади.

Биринчидан, мамлакатимиз ёшларини ҳар томонлама қўллаб-қувватлаш, уларнинг ҳаётда муносиб ўринларини топиб олиши учун зарур ҳуқуқий ва самарали механизмларни кучайтириш;

Иккинчидан, оналик ва болаликни ҳуқуқий мухофаза қилишга қаратилган амалдаги қонунларни такомиллаштириш, янги қонун ҳужжатлари, хусусан, миллий аньаналарни ҳисобга олган ҳолда репродуктив масалаларни тартибга солувчи қонун ҳужжатлари ишлаб чиқариш;

Учинчидан, аҳолининг соғлигини мустахкамлашга, ижтимоий хавфли касалликлар профилактикаси ва уларга бархам беришга Абу Али Ибн Сино каби буюк боболаримизнинг асарларида ўз ифодасини топган. Ўзбекистон халқига тарихан хос бўлган соғлом турмуш тарзи аньаналари ва саломатлик маданиятини тарғиб қилишга қаратилган миллий давлат дастурлари рўёбга чиқарилишини фаоллаштириш;

Тўртинчидан, жамиятда меҳр-мурувват, ҳомийлик, юксак тиббий маданиятни ривожлантиришга кўмаклашиш;

Бешинчидан, фан, адабиёт, маданият саньат ва спорт соҳаси ходимларини моддий рағбатлантириш тизимини такомиллаштириш;

Олтинчидан, инсон омилини такомиллаштиришга, миллий аньаналар ва жахон ютуқларини ҳисобга олган ҳолда таьлим-тарбия тизимини янада ривожлантириш ва сифат жихатидан янги босқичга кўтариш орқали мамлакатнинг интелектуал салохиятини мустахкамлашга қаратилган чора – тадбирлар ишлаб чиқилиши ва амалга оширилишда фаол иштирок этиш;

Еттинчидан, ёшларни, кам таьминланган оилаларни моддий ҳамда маьнавий қўллаб-қувватлаш каби миллий қадриятларимиз руҳида тарбиялаш, бундай қадриятларни чуқур сингдириб бориш.

Шунингдек, миллий ҳунармандчиликнинг барча турларини, сервис соҳасини ва туризмни ривожлантириш орқали электоратнинг манфаатларини ҳимоя қилиш бизнинг туманимиз учун энг самарали восита бўлиб қолади. Чунки, Ўзбекистон Республикаси Вазирлар Махкамасининг қарори билан Зомин тумани марказининг архитектура қиёфаси бутунлай янгиланиши жараёнида миллий ҳунармандчиликни, сервис соҳасини ва туризмни ривожлантириш биринчи галдаги муҳим вазифа қилиб қўйилган.

Бунинг учун тумандаги бўлажак марказий хиёбон атрофида миллий ҳунармандчиликни, миллий қадриятларни янада сайқал топтириш учун имкон берадиган муҳташам савдо ярмаркалари бунёд этилади. Шу нуқтаи назардан бундай имкониятлардан оқилона фойдаланиш туман Кенгаши олдига муҳим вазифа қўяди. Шу туфайли якшанба кунлари тумандаги кўзга кўринган, тажрибали ҳунармандлари билан сухбатлашиб, бўлажак савдо ярмаркалари учун муносиб миллий ҳунармандчилик махсулотлари тайёрлаш режалари тузилмоқда.

Хулоса ўрнида айтиш жоизки, бошланғич партия ташкилотларининг сонини ошириш электоратнинг ижтимоий манфаатларини ўрганиш ва ҳимоя қилишда азалий миллий қадрият воситаларидан фойдаланиш яхши самара беради.

Абдукарим Бегбўтаев,

“Адолат” СДП Зомин тумани Кенгаши депутати

Архив:

• Урганч шаҳар Кенгаши депутати Рустам Болтаев
• Ромитан туман Кенгаши депутати Раъно Очилова
• Қашкадарё вилоят Кенгаши депутати Абдуқаххор  Ахмедов
• Чирчиқ шаҳар Кенгаши депутати Акмал Самеджанов
• Миробод туман Кенгаши депутати Тошпўлат Матибаев
• ТОШКЕНТ ШАҲАР КЕНГАШИ ДЕПУТАТИ ЗУМРАД АКРАМХЎЖАЕВА

Mulohazalar

Mulohaza qoldirish

Ism *:

Kod *: