Айни кунларда улуғ айём муносабати билан Ўзбекистон “Адолат” социал-демократик партияси Гулистон шаҳар Кенгаши томонидан  бир қанча сиёсий-ижтимоий тадбирлар ташкил этилмоқда.                                                                                                                                                                                                                                                                                                                                                                                                                                                                                                                                                                             Ана шундай тадбирлардан бири жорий йил Гулистон шаҳридаги “Ёзги амфитеатр”  мажмуасида ўтказилди. “Буюк ва муқаддассан, мустақил Ватан!” дея ном олган ушбу тадбир Халқ депутатлари Гулистон шаҳар Кенгаши депутати Тожихон Гафорова ташаббуси билан ташкил этилди.  Мазкур тадбирда Олий Мажлис Қонунчилик палатаси ва маҳаллий Кенгаш депутатлари, сиёсатшунос-олимлар, шаҳар Кенгаши БПТлари раислари, шаҳар аҳолиси ва кенг жамоатчилик вакиллари ҳамда ОАВ ходимлари иштирок этишди.

Ўзбекистон Республикаси Олий Мажлис Қонунчилик палатаси Спикери ўринбосари И.Саифназаров йиғилганларни байрам билан табриклар экан, жумладан шундай деди: “Халқимиз тарихи бир неча минг йилларга бориб тақалади ва бу вақтлар мобайнида аждодларимиз дунё тамаддунига йирик ҳисса қўшганлигини бугун барча бирдек эътироф этмоқда, бу 20 йил олдин қўлга киритган мустақиллигимиз шарофати эканлиги бугун ҳаммамизга аён. Бугун кўзимизни қамаштираётган халқимиз юзидаги, фарзандларимиз кўзидаги нур истиқлол қуёшининг аксидир. Барчангизни ана шундай буюк ва муқаддас байрам билан табриклайман”.

Шунингдек, тадбирда сўз олган Олий Мажлис Қонунчилик палатаси депутатлари А.Рахмонов ва Т.Абдусатторовлар ҳам йиғилганларни муқаддас байрамимиз билан муборакбод этар экан, аҳолининг, айниқса ёш авлоднинг ватанга муҳаббат туйғуларини кучайтириш, ўтган йиллар мобайнида халқимиз онгида кечаётган ўзгаришлар, тафаккурида юз бераётган янгиланишларни, умуман истиқлолнинг мазмун-моҳияти ва шунинг билан бирга истиқлол йилларида мамлакатимиз қўлга киритган беқиёс ютуқлари, юртимизнинг дунё ҳамжамиятида тутган салоҳияти ва қудрати ҳусусида алоҳида тўхталиб ўтдилар.

Кўксида давлат мукофоти ялтираб турган халқ депутутлари Гулистон шаҳар Кенгаши депутати Тожихон Гафорова қувонч билан шундай дейди: “Бугун мен ҳақиқий байрам нашидасини сурмоқдаман, чунки хозиргина кўксимдаги депутатлик нишони ёнидан муҳтарам Президентимиз томонларидан таъсис этилган Ўзбекистон Мустақиллигининг 20 йиллиги эсдалик нишони жой олди. Халқимиз олдидаги камтарона меҳнатимни юксак қадрлангани қалбимда фахр-ифтихор туйғуларини уйғотмоқда, бу мени мустақил Ватанимиз, озод халқимиз учун янада садоқат ва куч-ғайрат билан ишлашга ундамоқда”.    

Тадбирда бир гуруҳ маҳалла фаоллари, кам таъминланган оилалар ҳамда юртимиз довруғини дунёга таратиб келаётган “Сирдарё наволари” ашула ва рақс ансамбли аъзоларига байрам совғалари, шунингдек, бир гуруҳ ёшларга Ўзбекистон “Адолат” социал-демократик партиясининг аъзолик гувоҳномалари тантанали равишда топширилди.

           “Адолат” СДП  Сирдарё вилоят Кенгаши матбуот хизмати

Mulohazalar

Mulohaza qoldirish

Ism *:

Kod *: