Халқимизда шундай  нақл бор “Кўрар кўзингдан қўймасин”. Бу иборани  замирида кўплаб маъно мужассам. Ҳаётнинг гўзаллигини кўриш ва уни ҳис қилиш  учун фақат  ўткир кўзлар эмас, қалб кўзлари ҳам керак, албатта. Шу боис, инсон хаётига маълум бир маънода  мазмундорлик  яширинган. Баъзида тушкунликка тушган пайтларимиз “Кўзларимга дунё қоронғу кўринаяпти” – деймиз. Шунда ўйга толиб қоламан. Болаликдан кўзлари ожиз ногиронлар-чи. Улар биз соғлом кишилар такрорлаётган ибораларни қандай қабул қилишар экан? Бу уларга қандай таъсир қилар экан? Сухбатдошим – партиянинг турли мавзудаги йиғилишларига мунтазам қатнашиб турадиган фаол партиядошимиз Эркин  Рўзибоев.

У хозирги кунда  Урганч  шаҳар Маданият ва спорт ишлари бўлимига қарашли 2 – сон  кўзи ожизлар маданият уйи директори ловозимида фаолият кўрсатмоқда. У  билан ҳар сафар суҳбатлашар  эканман,  дилим хузурга  тўлади. Гоҳида  суҳбатимизнинг  поёнига  етишини  сира истамай қоламан. Э.Рўзибоев ҳаётдан  хеч нолимайдиган,   гўзалликни  доим самимий  қалби билан ҳис қиладиган инсондир.

Урганч шахар Маданият ва спорт ишлари бўлимига қарашли 2 – сон  кўзи ожизлар маданият уйи  ҳудуддаги 15 мингдан ортик кишига хизмат қилади.  Мактаб, боғча, иккита болалар ва катталар поликниникаси, шахримизда яшаётган фуқаролар орасида маданий ва маърифий тарғибот ишларини, айниқса миллий истиқлол ғоясини тарғиб қилишни яхши йўлга қўйганмиз, -  дейди партиядошимиз. - Ҳамкорликда гап  кўп деганларидек,  хозирги кунда маданият уйимиз, Вилоят кўзи ожизлар кутубхонаси ходимлари билан ҳам  хамкорликда фаолият юритиб келмоқда. Адабий, бадий кечалар, йил мавзусига оид тадбирлар, китоб конференциялари, китоб тақдимотлари, турли соха вакиллари билан учрашув кечалари ташкил қилинмоқда. Хар хафтанинг чоршанба куни “Ахборт – тарғибот  куни” деб белгиланган, шу куни   жамода барча эътибор шу мавзуга қаратилади. Биз  ўз хизмат фаолиятимизда миллий қўшиқчилигимизни  омма орасида юксалтиришга харакат қилиб келаяпмиз. Давлатимиз сиёсати билан доимо қизиқамиз, “Адолат” социал-демократик партиясининг  дастур ва вазифаларини ҳурмат қилиб, бу  партияга аъзо бўлганмиз  ва   бугунги кунда Президентимизнинг Концепциясининг мазмун ва моҳиятини омма орасида  турли васиталар билан тарғиб қилишга  алоҳида эътибор қаратганмиз.  Шунинг билан бир қаторда,  кўзи ожиз болалар ва ўсмирларга мўлжалланган  махсус  адабиётлар тақчиллиги  ишимизга тўсқиллик килишига қарамай мавжуд имкониятлардан унумли фойдаланмоқдамиз.

                                               Замира Абдуллаева, Хоразм вилояти

Mulohazalar

Mulohaza qoldirish

Ism *:

Kod *: